Vou comentar nesta entrada dous
blogs de orientación. Mirei bastantes e atopei realmente entradas moi
interesantes, pero decidinme por estes en parte porque son de centros de Galiza
e están en galego. Ademais un deles é dun CPI, como o noso, que é un tipo de
centro singular, e o outro é dun Departamento de Orientación compartido entre
dous CEIPs. A verdade é que o que máis atopamos son blogs de Institutos, que
teñen ESO, BAC e FP na maior parte dos casos e con contidos moi centrados na
orientación académica e profesional, que aínda parecéndome moi útiles como recurso
que utilizarei, non é o que máis nos ocupa ás orientadoras e orientadores dos
CPIs.
O blog do Departamento de Orientación do CEIP A Rúa e do CEIP O Hío, serve de punto de referencia para as dúas comunidades
educativas ás que se ten que dirixir. Aínda que non permite comentarios nas
súas entradas, ten un servizo de axuda ao
vivo, que pode resultar moi interesante, máis neste caso onde a persoa
responsábel do departamento está uns días nun centro e outros noutro.
Pareceunos moi completa e interesante toda a información publicada dentro da
categoría de Orientacións para nais e pais, tamén a información para as titorías pareceunos de
moita utilidade. Outro apartado que está
bastante completo é o de Audición e
Linguaxe.
O blog do CPI de Panxón ten moita información, variada e ben organizada, presentada utilizando moitos recursos visuais. En cada entrada suxire outras relacionadas que nos poidan interesar, o que resulta moi util para navegar polo blog. Ademais das entradas propias presenta numerosos enlaces de interese e rutas de información moi ben categorizadas. Trátase dun blog moi elaborado. Diríxese ao profesorado, ás familias e ao alumnado de 3º e 4º da ESO no relativo á orientación académica e profesional.
Moitas grazas pola mención que fas do noso Blog, pero o voso tamén contén enlaces de moito interese. Enhoraboa¡¡¡¡
ResponderEliminarGrazas a vós, tedes un blog estupendo. Nós estamos empezando, facendo un curso de Platega de Introdución das TICs no Departamento de Orientación e polo momento andamos mirando e probando, pero estamos a collerlle gusto.
ResponderEliminar